moycorner

UN SITE POUR DESSILLER LES YEUX

Prezidan kanaval


Prezidan ban nou kanaval

Ala yon prezidan papa-bon-kè

Ala yon prezidan pwogresis

Ala yon prezidan revolisyonè

Ala yon prezidan eklere

Ala yon prezidan vizyonè

Ala yon gwo prezidan papa

 

Prezidan ban nou kanaval

Paske kanaval se devlopman

Ak kanaval n’ap manje vant deboutonnen

Kanaval se travay

Kanaval se lajan nan pòch

Kanaval se kanè bank

Kanaval se kreyasyon richès

Pou tout moun alawonnbadè

Kanaval se laswennyay

Kanaval se bonjan lekòl

Kanaval se bonjan levasyon

Kanaval se alfabetizasyon

Kanaval se bonjan kay pou moun rete

Swasanndisèt mil sèt san swasanndisèt fwa mèsi Prezidan

 

Prezidan ban nou kanaval

Paske kanaval se bonjan wout

Kanaval se pon

Kanaval se elektrisite

Kanaval se dlo potab

Kanaval se rebwazman

Kanaval se pwodiksyon nasyonal

 

Wi, Prezidan ban nou kanaval

Paske kanaval se konfò modèn

Kanaval se sanitasyon

Kanaval se lapwòptay

Kanaval se debidonvilizasyon

Kanaval se pwoteksyon sitwayen kont dezas natirèl

 

Prezidan ban nou kanaval

Paske kanaval se lajistis

Kanaval se sekirite

Kanaval se demokrasi

Kanaval se etadedwa

Kanaval se libète

Kanaval se respè konstitisyon

Kanaval se dezokipasyon

Kanaval se Leta granmoun

Kanaval se bon diplomasi

 

Prezidan ban nou kanaval

Paske kanaval se reyòganizasyon Leta

Kanaval se chanjman strikti kayik-kayak Leta

Kanaval se lapwòptay nan Leta

 

Preyidan, ban nou kanaval tèt kale

Kanaval prentan

Kanaval été

Kanaval otòn

Kanaval ivè

Carnaval des fleurs

Sitou flè woz

Woz san zepinn

 

Wi, preyidan, benyen nou ak kanaval tèt kale twa fwa pa jou

Vide kanaval tèt kale nan gagann nou twa fwa pa jou

Foure men-w byen fon nan kès Leta

Kale tèt Leta wouj

Deplimen tèt Leta klinn

Pouw ban nou kanaval tèt kale

Pou nou danse, pyafe, ponpe

Voye yayad jouk nou swe

Jouk nou bouke

Jouk nou deranche

Jouk nou deraye

Rele anmwe, chante : o-ke-je-si-zere

Jouk nou anwe

Se nòmal piske n’ap jwi bèl lavi

 

Se pou tout Ayisyen toupatou

Tèt siwolinn kou tèt prèv

Ni sa k’vivan ni sa k’mouri

Ni sa k’ap viv nan lèzè, sitou nan lalin

Ni sa k’bèbè ni sa k’pale

Ni sa k’avèg ni sa k’je kale

Ni sa k’kokobe ni sa k’enganm

 

Lapriyè, pou  remèsi bondye Klinntonn

Pou kokennchenn prezidan saa

Li bay Ayiti ak limanite alawonnbadè

Se pou tout Ayisyen kriye byen fò

Viv prezidan Mimi tèt kale

Viv prezidan kanaval la

Ayiti gen pi bon, pi gwo prezidan sou latè modi

Se Prezidan Mimi tèt kale

Prezidan ki fè Ayiti retounen yon paradi

Ak resèt pwogram KA-NA-VAL.

 

Morisseau Lazarre kamoy3@optimum.net

Publicités

Navigation dans un article

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :