moycorner

UN SITE POUR DESSILLER LES YEUX

LANG PA M LAN


Anpil nèg kap tòde bouch yo

Pou voye franse zuzu moute

Di : o wi kreyòl se pa yon lang

Ak yon bann patati patata

Gen nan yo ki menm rive di

Lang kreyòl la son madichon

Sou tèt peyi d Ayiti

Konsa, menm chen lakay yo 

Se an franse yo jape tou

Bòn ak gason lakou yo podyab

Ki pat gen chans fè de jou sou ban

Kay direktè Sovè

Yap peye 20 goud pa mwa

Ak règ imilyasyon kòm bonis

Blije chache kote ti djakout

Fwanse sirèt wòwòt yo ye

Pou yo sa voye moute tou

Pou koresponn ak arivis fwanseyis yo

Ki pap rache yon mo kreyòl

Epoutan lè malere sa yo soti nan lari

Lè yal nan mache

Yap machande yon rejim bannann

Pou arivis fwanseyis sa yo manje

Se lang manman yo a, kidonk kreyòl

Yo pale ak pitit Sòyèt parèy a yo

 

Mwenmenm tou papa

M pa gen kont ak lang manman m lan

Ki se kreyòl e kap toujou kreyòl

Paske m fè tout zafè m an kreyòl

M dòmi m leve an kreyòl

M pran ti beny mwen an kreyòl

M biye biye m an kreyòl

M mache mache m byen bòzò an kreyòl

M manje ti manje kreyòl mwen an kreyòl

Lè kè m kontan

M bay ti lodyans mwen an kreyòl

M pete koutri m an kreyòl

Konsatou lè m nan lapenn

M kriye kriy m an kreyòl

Lè zenglendo bare m

M tonbe tranble an kreyòl

M rele anmwesekou an kreyòl

M file bèl nègès kreyòl mwen an kreyòl

Mwen chame l byen chame an kreyòl

E m karese l nan gou jezi an kreyòl

M danse konpa m ak twoubado m an kreyòl

Epi m peze dam mwen tou an kreyòl

Mwen ekri ti pwezi m an kreyòl

Pou m pale ak tout vrè kreyòl parèy mwen

 

Alòs, zafè arivis fwanseyis

Ki refize pale kreyòl

Mwenmenm papa, m ap kontinye pale kreyòl

E m ap kontinye viv viv mwen an kreyòl

Paske kreyòl se lang pa m lan.

 

Morisseau Lazarre kamoy3@optimum.net

 

Publicités

Navigation dans un article

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :