moycorner

UN SITE POUR DESSILLER LES YEUX

Entèvwou prezidan Martelly bay France 24: n’ap kreve balon manti-a


Nan yon entèvwou prezidan ayisyen-an bay France 24, yon chenn televizyon peyi Lafrans, jedi 1e novanm, li moutre kouman l’cheri fòs okipan yo e kwè pèsonn pa ka manyen on plim sou do-l.

Alapapòt, Martelly fè entèvwouvè-a Marc Perelman konnen gouvèlman-l lan jwenn «yon peyi ki t’ap mal gouvènen depi plis pase yon santèn lane kote tout bagay fin kraze…»Men gen nan gouvènman destriktè sa yo, tankou gouvènman makout yo, militè grenn kraze yo ak GNB yo, Martelly pa te sèlman gwo sipòtè yo, mentou li te patispe nan komèt krim kont peyi-a ak pèp la ansanm ak yo. Li bliye si se manm eskadwon lanmò li te ye de 1991 a 1994? Li bliye si se GNB poutchis li toujou ye? Alòs se kounye-a, lè mèt li Clinton (mari ak mouche) vin mete-l sou pouvwa-a, li reyalize peyi-a te konn mal gouvènen et tout bagay fin kraze ?

Prezidan-an di gouvènman-l lan deja bay 80 pousan moun ki t’ap dòmi anba tant yo kote pou rete. Li di gen nan yo se kay yo gouvèlman-an ranje, e gen lòt tou se kay ki lwe pou yo. Alewè! Martelly paka fouti kanpe nan mitan lari Pòtoprens pou repete manti konsa.

« M’paka di patnè Ayiti yo ban nou do, paske yo pa ban nou do, menmsi yo pa respekte tout pwomès yo te fè…» di Martelly. Okipan yo ki nan peyi-a pat janm patnè nou, Micky. Depi Nanchon-an pran nesans, yo te toujou la nan bizawèl nou pou make nou lavi di, pou pase dwa grandèt nou anba pye mayas-a-yo pou fè nou peye frekansite nou, pou rekolonize nou, pou kontinye vin piye richès tout kalte nou genyen.

An nou sib Martellty toujou: «…jodi-a sa ki pi enpòtan pou mwen, se chanje mantalite ki te fè nou depi lontan konte sou lòt moun…jodi-a nou dwe refè Ayisyen-an…nan peyi d’Ayiti jounen jodi-a, y’ap pale de rekonstriksyon batiman yo, wout yo, pò yo, ayopò yo, se enpòtan; men pou mwen sa ki enpòtan, se refè Ayisyen-an, rebay nanm ayisyen-an vale…» Mezanmi, ou pa ta di s’on Anténor Firmin, on Charlemagne Péralt, on Jacques Stephen Alexis k’ap pale ! Genlè se reve m’ap reve ! Michel Martelly pou refè l’homme haïtien ! Ki bondje tèt kale bobis ki kache nan kèk twou san fon sou latè osnon nan lespas ki gentan refè osnon ki pral refè Michel Martelly anvan limenm li antreprann gwo travay nasyonalis, revolisyonè, moun serye, moun debyen sa-a, ki se refè l’homme haïtien e «rebay nanm ayisyen-an valè»? Se pa menm Michel Martelly sa-a ki, lotrejou la-a, menm kote Clinton fin ba-l pouvwa-a, dekalsonnen de (2) palemantè, rantre nan manman yo nan gou satan epi touse ponyèt li pou al goumen ak yo nan Palè nasyonal menm ! Se pa menm Michel Martelly sa-a ki, lotrejou la-a ankò, debake san envitasyon a lè endi kay Premye minis li, dekilote, detrese tèt Premye minis, palemantè ak tout lòt ki te la ap f’on reyinyon ! Se pa menm Michel Martelly sa-a ki, lotrejou la-a, t’ap twipe jounalis nan televizyon-an ! Se pa menm Michel Martelly sa-a k’ap dechèpiye kès Leta pou anrichi fanmi-l ti zanmi-l, koutizan-l ak zenglendo li met nan lari pou entimide popilasyon k’ap revandike dwa-l la ! Se pa menm Michel Martelly sa-a ki pa sispann remèsye okipan yo, voye bèl flè pou yo, vide losyon sou tèt-a-yo a, mande yo pou rete tètkaleman nan peyi Dessalines nan ! Se pa menm Martelly sa-a ki chwazi fè tchoul nouvo kolon yo, lènmi jire Ayiti, ranpe nan pye yo, lonje bòl ble-l ba yo tout lasent jounen olye li travay pou koumanse ranje peyi-a pou li reprann fyète-l ak diyite-l toutbonvre ! Genlè se reve m’ap reve !

Prezidan Mimi kontinye : «…jodi-a, fòk nou reveye, Ayiti reveye, mwen fè sa, e bagay yo koumanse pi bon… » Bravo preyidan pantalèt woz papa ! Bagay yo koumanse pi bon vre pou ou ak menm ti gwoup la, tankou Les Frères Parent ta di.

« …se pousa n’ap goumen pou nou mete sou pye l’Etat de droit… n’ap konbat koripsyon aktyèlman», Martelly deklare. Oukwè se pa « l’Etat de l’extrême-droite » misye t’ap di ? Si se te vre, prezidan-an ak tout Premye minis lan Lorent Lamothe te dwe koumanse trase ekzanp sou tèt-a-yo. Kidonk, Piske nou konnen yo pa t’ap janm e yo pap janm kondane tèt-a-yo, men ke yo sispann piye kès Leta e gagote lajan peyi-a.

Preyidan tèt kale kontinye voye flè, lè li fè konnen : « Se te yon sipriz pou sektè politik la. M’pat janm on politisyen, men on mizisyen. Rantre konsa nan politik epi fè dekabès nan eleksyon prezidansyèl yo, anplis desa vin ak on pwogram ki ateri nan mitan popilasyon an, sa fè politisyen yo pè… » Oulalalala ! kèl chalèèèrrrrrr ! Ala nèg ka plen tèt li van papa ! Wi, Micky, ou s’on mizisyen. Ou reyisi di on ti zing verite. Men gen 4 adjektif ki dwe kole dèyèyè osnon devan « mizisyen » pa-w la, se medyòk, imoral, deprave e vilgè (padon pou pleyonas la). Epi Micky, pa pete tèt-a-ou ak entèvwouvè-a. Ou pat genyen okenn eleksyon. Se madan Mirlande Zuzu-tulututu-m’as-tu-vu Manigat ki t’ap mennen nan kontaj yo, epi mèt ou pete koken, yo kidnape eleksyon yo nan mitan lannuit e flanke dèyè-w sou chèz boure-a nan palè kraze-a, paske yo te yo jije ou pi bèt anplis de dosye sal ou yo gen nan men yo, alòs, ou ta kab fè on pi bon tchoul pou yo. Epi dekilakyèl de « pwogram ki ateri nan popilasyon » w’ap pale ? Depi ou rive sou pouvwa-a, se plis kadejak sou manman lwa peyi-a, plis dechèpiyay kès Leta, plis koripsyon nan Leta, plis divizyon nan peyi-a ak plis lamizè k’ap taye banda tètkaleman pèp ayisyen janm konnen.

Micky santi li pwoteje kont koudeta, lè li di fyèman : «…wi, paske gen fòsdelòd sa-a ki la ann Ayiti, fòs Nasyonzini yo, gen kominote entènasyonal la k’ap veye sou Ayiti, ki deja wè e konnen angajman nou pou nou fè bon bagay, (tankou) lit kont koripsyon, e ki sipòte demokrasi ki tabli ann Ayiti jounen jodi-a, (alòs) menmsi yo ta (eseye) fè on koudeta kont gouvènman-m nan, sa pa t’ap pase… » A, mezanmi ! se pa ti bouke flè preyidan voye bay okipan yo ! Se pa ti boutèy losyon byen chè li vide sou tèt mèt li yo ! Si se pou li, lènmi Ayiti yo mèt rete la pou kantite tan yo vle. Yo mèt pran peyi-a menm, tankou anpil nan GNB parè li yo t’ap mande ! Kite mele dada-l ! Ba-l pouvwa-l ! Epi se oumenm sa, prezidan, ki vle refè l’homme haïtien-an ? Se oumenm sa ki vle rebay valè a l’âme haïtienne nan ? Ala de salmanaza papa ! Antouka, prezidan Martelly, an nou klè sou sa : ou konnen fen e byen, e ou konnen pèp ayisyen konnen fen e byen tou fòs dezòd-adjipopo-kriminèl-vòlò-kabrit-kadejakè-pwopagatè kolera Nasyonzini yo ak tout kolon yo ou rele « kominote entènasyonal » la, pa la pou veye sou Ayiti vre, men yo la pou veye sou pwòp entèrè pa yo ak ti klas oligachik malpwòp-piyajè-kontrebandye-dilèdwòg-kidnapè ki fin detwi peyi-a. E wi, yo wè w’ap fè bon bagay vre nan kontinye dekouraje pwodiksyon lokal pou lage vant peyi-a nan men yo pi plis toujou ; yo wè w’ap fè bon bagay vre nan kontinye pwoteje yo, defann krim y’ap komèt sou pèp ayisyen ; yo wè w’ap fè bon bagay vre nan ekzekite 2 je fèmen, tankou esklav dosil, tout lòd yo pase-w.

Anfen, Matelly pale de esntitisyon Leta ki te deja fèb l’ap ranfòse, konsèy elektoral pèmanan li mete sou pye ki fè lopozisyon ap voye pye. Pou sa limenm, n’ap di Martelly : se pa lopozisyon (ki chaje poutchis, GNB, tankou limenm) sèlman k’ap voye pye. Se tout pèp ayisyen ki pa sispann denonse-l, paske depi l’monte sou pouvwa-a, l’ap fè tout bagay nan ilegalite. Olye li ranfòse enstitisyon yo tankou li fè konprann nan, se febli l’ap febli yo pi plis toujou. E pou sa ki regade konsèy elektoral pèmanan-an, se an gwo ponyèt, nan ilegalite nèt li fè baga sa-a.

N’ap mande prezidan Martelly : piske nou paka chanje « état d’âme » li, lè l’prale nan lòt peyi, anvan l’koumanse deblatere nan non pèp ayisyen, ke l’met on mask nan figi-l paske li bay twòp manti.

Morisseau Lazarre

kamoy3@optimum.net

Publicités

Navigation dans un article

3 réflexions sur “Entèvwou prezidan Martelly bay France 24: n’ap kreve balon manti-a

  1. As soon as I observed this web site I went on reddit to share some of the love with them.

  2. I have read some excellent stuff here. Certainly value bookmarking for revisiting. I surprise how so much attempt you set to create this kind of fantastic informative site.

  3. I simply want to say I’m beginner to blogging and site-building and truly liked you’re blog. Most likely I’m want to bookmark your website . You really come with impressive writings. Bless you for sharing your web page.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :