moycorner

UN SITE POUR DESSILLER LES YEUX

Grenn pwonmennen


GRENN PWONMENNEN
Mwen rele grenn pwonmennen
Pirèd pase pye poudre
Mwen mache nenpòt lè m’vle
Lannwit tankou lajounen
M’pa pè baton ni tyòbòl
Madigra ki gaye tout kote
Lavalas boulèt kap tonbe
Tankou lagrèl sou do kay tòl
Se mwen ki konn sa m’tande
Ki pa janm fè dyòl alèlè
Ki toujou pale sa m’wè
Tanpri souple kite-m pale
Peyi-m fin dekonstonbre
Tout kote-w pase se rèl
Pa gen solèy ni lakansyèl
tout zetwal yo kraze raje
Tè sèk ape tann lawouze
Pye mayi paka boujonnen
Bon tè tonbe lanmen voryen
Pandan ti nèg ap betize
Se pa de fanmi k’ap soufri
Timoun paka bwè akasan
Gran moun ap fè move san
Gobe tè pou yo pa mouri
M’ta kontan kouwè moun fou
Si Ayiti ta resi chanje
Kote tout moun ka manje
Tout timoun al lekòl chak jou
Komès vwazen vale teren
Sou do pitimi san gadò
Pèpè gaye tribò babò
Politisyen pa di anyen
Si kè plen te kon touye moun
M’ta mouri dis fwa san fwa
Tèlman m’wè fatra ri Bònfwa
Lan Bisantnè tou pre Lakomin
Ay podyab site solèy
Zòt pase-l anba pla pye
Ki  mal li fè l’ap peye
Si se pa je vèt ki pè solèy
Kote lamizè ap donnen
Malfini te mèt sote ponpe
Ap toujou gen leve kanpe
Tèt kole pou kwape malandren
Tout sa k’kwè lan tonton nwèl
Kap bay peyi moso pa moso
Mwen di grenadye alaso
Yon jou konsa na pran nouvèl
M’ta kontan kouwè moun fou
Si Ayiti ta resi chanje
Kote tout moun  ka manje
Tout timoun al lekòl chak jou
Grenn pwonmennen di-w lale
Kenbe fèm yon lòt lè na pale
        P. William Pierre
Publicités

Navigation dans un article

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :